Sida Loo Helo Caymis Cusub

Xilliga isdiiwaangelinta gaarka ah (SEP) ayaa diyaar u ah dadka aan mardambe u qalmin Gargaarka Caafimaadka ama MinnesotaCare. Tani waxay kuu tahay fursad aad isugu diiwaangeliso caymis caafimaad oo gaar loo leeyahay, waana inaad sida ugu dhakhso badan u samayso.

Akhri ogeysiiska ay MNsure kuugu soo dirtay boostada oo ay kuugu sheegayso inaad u qalanto xilligan diiwaangelinta khaaska ah oo aad u qalanto inaad iibsato qorshe caymis caafimaad oo gaar loo leeyahay (sidoo kale loo yaqaan qorshe caafimaad oo u qalma)
Ciwaanka ogaysiisku waa "Don't risk a gap in your health insurance: Take action today to get coverage in 2024." ("Ha galin halis in uu kaa kala joogsado caymiskaaga caafimaadku: Talaabo qaad maanta si aad u hesho caymis 2024.")
Haddii uu ogaysiiskaagu kaa lumo, ka wac Xarunta Xiriirka MNsure (MNsure Contact Center) 651-539-2099 (855-366-7873 meelaha ka baxsan Magaalooyinka Mataanaha ah).
Raac tilmaamaha ku qoran ogeysiiskaaga. Waxay kuu sheegaysaa tallaabooyinka aad qaadayso si aad isaga diwaangeliso khadka internetka inta lagu jiro xilliga diiwaangelinta khaaska ah.
Waa inaad doorato qorshe caysmis ugu dambayn wakhtiga kama dambaysta ah ee ku qoran ogeysiiskaaga.

Ma heli karaa caawimo doorashada qorshe caymis iyo isdiiwaangelinta?

Haa, waxaad ka heli kartaa caawimo isdiiwaangelin bilaasha ah caawiye shahaadayn ka haysta MNsure oo qof ahaan kuu caawinaya, taleefoon, ama kulan kombiyutarka lagu xiriirayo.

Hage ama dilaal ayaa ku kala tustusi kara dookhyadaada, dillaalkuna wuxuu ku siin karaa talo ku saabsan xulashada qorshe caymis adiga kugu habboon.

Qalabka isbarbardhiga qorshaha caymiska ee MNsure ayaa wuxuu kaloo kaa caawin karaa inaad doorato qorshe buuxinaya baahiyahaaga daryeelka caafimaadka iyo miisaaniyadaada.
Ma heli karaa kaalmo dhaqaale si aan u yareeyo kharashaadkayga?
Waxaa jira laba nooc oo gargaar maaliyadeed ah oo laga heli karo MNsure:
- Cashuur ugu celinta hormariska ah ayaa hoos u dhigaya kharashka khidmadahaaga caymiska, kharashka caymiska billaha ah: kharashkaaga billaha ah ee aad siiso shirkaddaada caymiska caafimaadka.
- Raqiisin kharash-wadaag ah ayaa kaa caawinaysa hoos u dhigista kharashyadaada kale, ee ka baxsan khidmadaha bishii la bixiyo.
Ogeysiiska aad ka heshay MNsure ayaa wuxuu kuu sheegayaa inaad u qalanto kaalmada dhaqaale, nooca(yada), iyo inta ay le'eg tahay caamimadu.

Qalabkeena isbarbardhiga qorshaha caymiska ayaa sidoo kale kaa caawin kara inaad qiyaasto kharashyada iibsashada iyo isticmaalka qorsheyaasha caymiska caafimaad ee kala duwan.
Goorma ayuu caymiskayga cusub balaaban doonaa?
Sideen u isticmaalaa caymiskayga cusub?

Qorshayaasha caafimaadka gaarka loo leeyahay ayaa laga yaabaa inay kugu cusub yihiin. Baro wax badan oo ku saabsan faraqa u dhexeeya qorshayaasha caafimaadka gaarka loo leeyahay iyo Gargaarka Caafimaadka iyo MinnesotaCare iyo sida loo isticmaalo caymiskaaga cusub ka baro Hagahaaga Caymiska Gaarka loo leeyahay ee loo marayo MNsure.